ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਕ੍ਰਿਕਟ ਸਟੇਡੀਅਮ ‘ਚ ਸ਼ੁਭਮਨ ਗਿੱਲ ਨੇ ਇਕ ਵਾਰ ਫਿਰ ਧਮਾਲ ਮਚਾ ਦਿੱਤੀ। ਗੁਜਰਾਤ ਦੇ ਸਲਾਮੀ ਬੱਲੇਬਾਜ਼ ਨੇ ਤੂਫ਼ਾਨੀ ਬੱਲੇਬਾਜ਼ੀ ਕਰਦੇ ਹੋਏ ਆਪਣੇ ਆਈਪੀਐਲ ਕਰੀਅਰ ਦਾ ਪਹਿਲਾ ਸੈਂਕੜਾ ਲਗਾਇਆ। ਭਾਰਤ ਦੇ ਸਾਬਕਾ ਵੀ ਗਿੱਲ ਦੀ ਇਸ ਤੂਫਾਨੀ ਪਾਰੀ ਦੇ ਫੈਨ ਹੋ ਗਏ ਹਨ। ਵੀਰੂ ਨੇ ਸ਼ੁਭਮਨ ਗਿੱਲ ਦੀ ਸੈਂਕੜੇ ਵਾਲੀ ਪਾਰੀ ਦੀ ਤਾਰੀਫ ਕੀਤੀ ਹੈ। ਸਟਾਰ ਸਪੋਰਟਸ ਨਾਲ ਗੱਲ ਕਰਦੇ ਹੋਏ ਸਹਿਵਾਗ ਨੇ ਕਿਹਾ, “ਮੇਰੇ ਹਿਸਾਬ ਨਾਲ ਇਹ ਉਸਦੇ ਕਰੀਅਰ ਦਾ ਸਭ ਤੋਂ ਵੱਡਾ ਚੈਪਟਰ ਹੈ। ਮੈਂ ਕਹਿਣਾ ਚਾਹਾਂਗਾ ਕਿ ਇਹ ਲਵ ਸਟੋਰੀ ਵਿਆਹ ਵਿੱਚ ਬਦਲ ਗਈ ਹੈ। ਉਸਨੂੰ ਦੇਖ ਕੇ ਅਜਿਹਾ ਲੱਗ ਰਿਹਾ ਸੀ ਕਿ ਉਹ ਇੱਕ ਵੱਖਰੀ ਸਤ੍ਹਾ ‘ਤੇ ਬੱਲੇਬਾਜ਼ੀ ਕਰ ਰਹੇ ਹਨ। ਗਿੱਲ ਉਸੇ ਮੈਦਾਨ ‘ਤੇ ਆਸਾਨੀ ਨਾਲ ਚੌਕੇ ਜਮਾ ਰਿਹਾ ਸੀ ਜਿਸ ‘ਤੇ ਬਾਕੀ ਬੱਲੇਬਾਜ਼ ਸੰਘਰਸ਼ ਕਰ ਰਹੇ ਸਨ। ਸਾਬਕਾ ਭਾਰਤੀ ਬੱਲੇਬਾਜ਼ ਨੇ ਅੱਗੇ ਕਿਹਾ, “ਅਸੀਂ ਲੰਬੇ ਸਮੇਂ ਤੋਂ ਸ਼ੁਭਮਨ ਗਿੱਲ ਬਾਰੇ ਗੱਲ ਕਰ ਰਹੇ ਹਾਂ। ਇਸ ਸਾਲ ਉਸ ਨੇ ਟੀ-20 ਅੰਤਰਰਾਸ਼ਟਰੀ ਅਤੇ ਟੈਸਟ ਵਿੱਚ ਵੀ ਸੈਂਕੜਾ ਲਗਾਇਆ ਹੈ, ਜਦੋਂ ਕਿ ਵਨਡੇ ਵਿੱਚ ਵੀ ਦੋਹਰਾ ਸੈਂਕੜਾ ਲਗਾਇਆ ਹੈ। ਹੁਣ ਉਸ ਨੇ ਆਈਪੀਐਲ ਵਿੱਚ ਵੀ ਸੈਂਕੜੇ ਲਗਾਏ ਹਨ।